8.7 C
New York
Monday, March 1, 2021
Home World ഓസോണ്‍ പാളിയിലെ സുഷിരം അടഞ്ഞതിന് കാരണം ലോക്ക്ഡൗണില്‍ അന്തരീക്ഷ മലിനീകരണ തോത് കുറഞ്ഞതോ…?

ഓസോണ്‍ പാളിയിലെ സുഷിരം അടഞ്ഞതിന് കാരണം ലോക്ക്ഡൗണില്‍ അന്തരീക്ഷ മലിനീകരണ തോത് കുറഞ്ഞതോ…?

കൊവിഡ് കാലത്തെ മാറിയ ജീവിതശൈലിയോടൊപ്പം പലവിധ മാറ്റങ്ങള്‍ പ്രകൃതിയിലും ഉണ്ടായിട്ടുണ്ട്. ഇതിനിടെ, ഓസോണ്‍ പാളിയിലെ സുഷിരം താനേ അടഞ്ഞു എന്ന ആശ്വാസവാര്‍ത്ത പുറത്തുവന്നു. എന്നാല്‍ ഇതിനെ ലോക്ക്ഡൗണുമായി ബന്ധിപ്പിച്ചുകൊണ്ട് ഒരു പ്രചാരണം നടക്കുന്നുണ്ട്. ലോക്ക്ഡൗണ്‍ മൂലം അന്തരീക്ഷ മലിനീകരണത്തോത് കുറഞ്ഞതാണ് ദ്വാരം അടയാന്‍ കാരണം എന്നാണ് പരക്കെ പ്രചരിക്കുന്നത്. എന്നാല്‍ യാഥാര്‍ത്ഥ്യം മറ്റൊന്നാണ്.

സൂര്യനില്‍ നിന്നുള്ള അള്‍ട്രാവയലറ്റ് അടക്കമുള്ള അപകടകരമായ രശ്മികളെ തടുത്തുനിര്‍ത്തി, ഭൂമിയെ ഒരു കുട പോലെ പൊതിഞ്ഞു സൂക്ഷിക്കുന്ന ഒരു പാളിയാണ് ഓസോണ്‍. സ്‌കിന്‍ ക്യാന്‍സറിന് വരെ കാരണമായേക്കാവുന്ന അള്‍ട്രാവയലറ്റ് രശ്മികളില്‍ നിന്ന് നമ്മെ കാക്കുന്ന സംരക്ഷണ കവചം. ആര്‍ട്ടിക് മേഖലയിലുള്ള ഓസോണ്‍ പാളിയിലെ ഒരു വലിയ ദ്വാരം അടഞ്ഞെന്ന ശുഭകരമായ വാര്‍ത്തയുമായാണ് ഇക്കഴിഞ്ഞ ദിവസം ശാസ്ത്രലോകം എത്തിയത്.

ഏപ്രില്‍ 23നാണ് ഓസോണ്‍ പാളിയിലെ ദ്വാരം അടഞ്ഞതായി യൂറോപ്യന്‍ യൂണിയന്റെ ഭൗമ നിരീക്ഷണ പദ്ധതിയായ കോപ്പര്‍നിക്കസ് അറ്റ്‌മോസ്ഫിയര്‍ മോണിറ്ററിംഗ് സര്‍വീസ് (COPERNICUS ATMOSPHERE MONITORING SERVICE) കണ്ടെത്തിയത്. എന്നാല്‍ ലോക്ക്ഡൗണ്‍ മൂലം അന്തരീക്ഷ മലിനീകരണത്തോത് കുറഞ്ഞതാണ് ദ്വാരം അടയാന്‍ കാരണം എന്നാണ് പരക്കെ പ്രചരിക്കുന്നത്.

ഇതേതുടര്‍ന്ന്, ലോക്ക്ഡൗണിന് ശേഷമാണ് ഈ മാറ്റമെന്ന വ്യാജപ്രചാരണത്തിനെതിരെ കോപ്പര്‍നിക്കസ് അറ്റ്‌മോസ്ഫിയര്‍ മോണിറ്ററിംഗ് സര്‍വീസ് തന്നെ രംഗത്തെത്തി. ഓസോണ്‍ പാളിയിലുണ്ടായ വിള്ളല്‍ സ്വയം ഇല്ലാതായെന്നാണ് ഇവരുടെ കണ്ടെത്തല്‍. വീഡിയോ സഹിതമാണ് വിശദീകരണം.

സാധാരണയായി അന്റാര്‍ട്ടിക് മേഖലയിലെ ഓസോണ്‍ പാളികളിലാണ് വിള്ളലുകള്‍ ഉണ്ടാകാറുള്ളതെങ്കിലും, ആര്‍ട്ടിക് മേഖലയില്‍ വിള്ളല്‍ രൂപപ്പെട്ടുവെന്ന അപൂര്‍വ പ്രതിഭാസമാണ് കോപ്പര്‍നിക്കസ് അറ്റ്‌മോസ്ഫിയര്‍ മോണിറ്ററിംഗ് സര്‍വീസ് കണ്ടെത്തിയത്. തണുത്ത വായു ധ്രുവ പ്രദേശത്തേക്ക് എത്തിക്കുന്ന പോളാര്‍ വൊര്‍ട്ടെക്‌സ്്(Polar Vortex) എന്ന പ്രതിഭാസം വേനല്‍ക്കാലത്ത് ശക്തിപ്രാപിക്കാറില്ല, തണുപ്പ് കാലത്താണ് ശക്തിയാര്‍ജിക്കുക. എന്നാല്‍, ഇത്തവണ പോളാര്‍ വൊര്‍ട്ടെക്‌സ് ശക്തിപ്രാപിക്കുകയും, സ്ട്രാറ്റോസ്‌ഫെറിക് മേഘങ്ങള്‍ ഉണ്ടാവുകയും , ആര്‍ട്ടിക് മേഖലയില്‍ ഓസോണ്‍ സുഷിരം ഉണ്ടാവുകയും ചെയ്തു.

പത്ത് ലക്ഷം കിലോമീറ്റര്‍ വിസ്തൃതിയായിരുന്നു ഈ സുഷിരത്തിന്. ഇത് വലുതായി ജനവാസകേന്ദ്രങ്ങള്‍ക്കു മുകളിലേക്കെത്തിയിരുന്നുവെങ്കില്‍ വലിയ അപകടം ഉണ്ടാകുമായിരുന്നു. പക്ഷേ, കഴിഞ്ഞ വാരം, പോളാര്‍ വൊര്‍ട്ടെക്‌സ് സ്വയം ദുര്‍ബലമാവുകയും, താഴെ നിന്നുള്ള തണുത്ത ചുഴലി മുകളിലേക്ക് എത്തുകയും, ഓസോണ്‍ പാളിയിലെ വിള്ളല്‍ അടയുകയും ചെയ്തു. ആര്‍ട്ടിക് മേഖലയിലെ സുഷിരം സ്ഥിരത കൈവരിച്ചത് കാലാവസ്ഥ പ്രതിസന്ധി നിമിത്തമാണോ എന്നു കണ്ടെത്തുന്നതിന് ഇനിയും പഠനങ്ങള്‍ ആവശ്യമാണെന്നാണ് കോപ്പര്‍നിക്കസ് അറ്റ്‌മോസ്ഫറിക് മോണിറ്ററിംഗ് സര്‍വീസിന്റെ ഡയറക്ടര്‍ വിന്‍സന്റ് ഹെന്‍ഡ്രി പ്യൂച് പറയുന്നത്. എന്തായാലും ഈ പ്രതിഭാസത്തിന് കൊറോണ വൈറസുമായോ, ലോക്ക്ഡൗണുമായോ യാതൊരു ബന്ധവുമില്ല.

LEAVE A REPLY

Please enter your comment!
Please enter your name here

- Advertisment -

Most Popular

പന്തിനുള്ളില്‍ കഞ്ചാവ് നിറച്ച് ജയിലിനുള്ളിലേക്ക് കടത്താന്‍ ശ്രമം: കയ്യോടെ പിടികൂടി

കഞ്ചാവ് കടത്താന്‍ പുതിയ മാര്‍ഗം ആവിഷ്‌കരിച്ച പ്രതികള്‍ മഹാരാഷ്ട്രയില്‍ പിടിയിലായി. ടെന്നീസ് ബോളിനുള്ളില്‍ കഞ്ചാവ് നിറച്ച് കടത്താനായിരുന്നു പദ്ധതി. കടത്താന്‍ ഉദ്ദേശിച്ചതോ, മഹാരാഷട്ര കോലാപൂര്‍ ജയിലിനുള്ളില്‍ കിടക്കുന്ന സുഹൃത്തിന് വേണ്ടിയും. 'നമ്പന്‍' സ്‌നേഹത്തിന്...

മുൻ രാഷ്ട്രപതി പ്രണബ് കുമാർ മുഖർജി അന്തരിച്ചു

രാഷ്ട്രീയത്തിലെ മാന്യനെന്നും ജ്ഞാനിയെന്നും കര്‍മപടുവെന്നുമൊക്കെയുള്ള വിശേഷണങ്ങള്‍ ഇന്ത്യയില്‍ ഏതൊരു പേരിനൊപ്പം ചേര്‍ക്കാമോ അങ്ങനെ ഒരാള്‍ പ്രണബ് കുമാര്‍ മുഖര്‍ജിയാണ്. ഏതൊരാളെയും പോലെ രാഷ്ട്രീയ ജീവിതത്തില്‍ കയറ്റിറക്കങ്ങളുണ്ടായിട്ടുണ്ടെങ്കിലും അധികമൊന്നും അലയാതെ രാജ്യത്തെ പരമോന്നത പദവി...

ജനനം അഭയാർത്ഥി ക്യാമ്പിൽ; ആഭ്യന്തര യുദ്ധത്തിനിടെ നാടുവിട്ടു: നാടോടിക്കഥ പോലെ അൽഫോൺസോ ഡേവിസിന്റെ ജീവിതം

അൽഫോൺസോ ഡേവിസ്. ആ പേര് ഇപ്പോൾ ഫുട്ബോൾ ആരാധകർക്ക് സുപരിചിതമാണ്. ബാഴ്സലോണക്കെതിരായ ചാമ്പ്യൻസ് ലീഗ് ക്വാർട്ടർ ഫൈനലിൽ വേഗം കൊണ്ടും ശൈലി കൊണ്ടും ശ്രദ്ധ നേടിയ 19 വയസ്സുകാരൻ. പിഎസ്ജിയെ പരാജയപ്പെടുത്തി ബയേൺ...

എല്ലാത്തിനും കാരണം ജോലി ഇല്ലായ്മ: പിഎസ്ഇ റാങ്ക് ലിസ്റ്റ് റദ്ദാക്കിയതിൽ മനംനൊന്ത് ഉദ്യോഗാര്‍ഥി ആത്മഹത്യ ചെയ്തു

പിഎസ്ഇ റാങ്ക് ലിസ്റ്റ് റദ്ദാക്കിയതിൽ മനംനൊന്ത് ഉദ്യോഗാര്‍ഥി ആത്മഹത്യ ചെയ്ത. തിരുവനന്തപുരം വെള്ളറട തട്ടിട്ടമ്പലം സ്വദേശി അനു ആണ് ആത്മഹത്യ ചെയ്തത്. കഴിഞ്ഞ എക്സൈസ് പരീക്ഷയില്‍ അനുവിന് 77 ആം റാങ്ക് ലഭിച്ചിരുന്നു....