8.7 C
New York
Wednesday, February 24, 2021
Home Health ലോകാരോഗ്യ സംഘടനയ്ക്ക് പണം ലഭിക്കുന്നത് എവിടെയെല്ലാം നിന്ന് ? എവിടെ ചെലവാക്കുന്നു ?

ലോകാരോഗ്യ സംഘടനയ്ക്ക് പണം ലഭിക്കുന്നത് എവിടെയെല്ലാം നിന്ന് ? എവിടെ ചെലവാക്കുന്നു ?

കഴിഞ്ഞ ദിവസമാണ് ലോകാരോഗ്യ സംഘടനയ്ക്ക് പണം നൽകില്ലെന്ന് പ്രഖ്യാപിച്ച് അമേരിക്ക രംഗത്തെത്തുന്നത്. കൊവിഡ് പടരുന്നതിന്റെ പശ്ചാത്തലത്തിൽ ശരിയായ മാർഗനിർദേശങ്ങൾ നൽകുന്നതിൽ സംഘടന പരാജയപ്പെട്ടുവെന്ന് ചൂണ്ടിക്കാട്ടിയായിരുന്നു അമേരിക്കയുടെ പിൻവാങ്ങൽ.

അന്ന് മുതലാണ് നമ്മിൽ പലരും ഇതിന്റെ പ്രവർത്തനത്തെ കുറിച്ച് ചിന്തിച്ച് തുടങ്ങുന്നത്. എങ്ങനെയാണ് ലോകാരോഗ്യ സംഘടന പ്രവർത്തിക്കുന്നത് ? ആരെല്ലാമാണ് സംഘടനയ്ക്ക് പണം നൽകിയിരുന്നത് ? ഈ പണം എങ്ങനെ ചെലവഴിക്കുന്നു ?

പണം ലഭിക്കുന്ന മാർഗങ്ങൾ :

രാജ്യങ്ങൾ, കാരുണ്യപ്രവർത്തനങ്ങൾ നടത്തുന്ന സംഘടനകൾ, യുഎൻ എന്നിവയിൽ നിന്നാണ് ലോകാരോഗ്യ സംഘടനയ്ക്ക് പ്രവർത്തിക്കാനാവശ്യമായ പണം പ്രധാനമായും ലഭിക്കുന്നത്. ലോകാരോഗ്യ സംഘടന പുറത്തുവിടുന്ന കണക്കുകൾ പ്രകാരം 35.42% പണവും നൽകുന്നത് രാജ്യങ്ങളാണ്. കാരുണ്യ പ്രവർത്തനങ്ങൾ നടത്തുന്ന സംഘടനകൾ നൽകുന്ന പണം 9.33%വും, യുഎൻ 8.1%വും മറ്റ് വഴിയിൽ ലഭിക്കുന്ന പണം 15.66% വുമാണ്.

ലോകാരോഗ്യ സംഘടനയ്ക്ക് ലഭിക്കുന്ന മുഴുവൻ തുകയിൽ 15 ശതമാനവും നൽകുന്നത് യുഎസാണ്. സംഘടനയിൽ അംഗങ്ങളായ രാജ്യങ്ങൾ നൽകുന്ന മൊത്തം പണത്തിന്റെ 31 ശതമാനവും യുഎസ് നൽകുന്ന പണമാണ്. സംഘടനയ്ക്ക് എത്ര പണം നൽകണം എന്നത് അതത് രാജ്യത്തിന് തീരുമാനിക്കാം. പണം നൽകാതിരിക്കാനുള്ള സ്വാതന്ത്ര്യവും അംഗരാജ്യങ്ങൾക്കുണ്ട്.

ഈ പണം ചെലവാഴിക്കുന്നത് എങ്ങനെ ?

ലോകാരോഗ്യ സംഘടനയുടെ ഒരു വർഷത്തെ പരിപാടികൾ എന്തൊക്കെയെന്നത് ‘ദ വേൾഡ് ഹെൽത്ത് അസംബ്ലി’യാകും തീരുമാനിക്കുക. എല്ലാ അംഗരാജ്യങ്ങളിൽ നിന്നുമുള്ള പ്രതിനിധികൾ പങ്കെടുക്കുന്ന അസംബ്ലിയിൽ എക്‌സിക്യൂട്ടിവ് ബോർഡ് തയാറാക്കിയ ആരോഗ്യ അജണ്ഡ ചർച്ച ചെയ്യും.

ജനീവയിൽ എല്ലാ വർഷവും നടത്തുന്ന പ്രതിവർഷ അസംബ്ലിയിൽ ഡയറക്ടർ ജനറൽ തെരഞ്ഞെടുപ്പ്, സംഘടനാ നയങ്ങളുടെ തീരുമാനം, സാമ്പത്തിക വശങ്ങൾ, ബജറ്റ് തുടങ്ങിയ കാര്യങ്ങളാകും ചർച്ചയാകുക.

ഓരോ രാജ്യങ്ങൾക്കും ലോകാരോഗ്യ സംഘടനയിൽ നിന്ന് എത്ര പണം ലഭിക്കുന്നു എന്നത് അതത് രാജ്യത്തിന്റെ സ്ഥിതി അനുസരിച്ചിരിക്കും.

രോഗങ്ങളുടെ കാര്യം വരുമ്പോൾ, പ്രത്യേകിച്ച് പകർച്ചവ്യാധികളുടെ കാര്യത്തിൽ, വിവിധ രാജ്യങ്ങളിലെ ആരോഗ്യ രംഗത്തിന്റെ വളർച്ച പല തരത്തിലാകുന്നത് വലിയ അപകടമാണ് ക്ഷണിച്ച് വരുത്തുന്നതെന്ന് സംഘടനയുടെ 13-ാം ജനറൽ പ്രോഗ്രാമിൽ പറഞ്ഞിരുന്നു.

ഇന്ത്യയും ലോകാരോഗ്യ സംഘടനയും

1948 ജനുവരി 12നാണ് ഇന്ത്യ ലോകാരോഗ്യ സംഘടനയുടെ ഭാഗമാകുന്നത്. ആരോഗ്യമന്ത്രിയും ലോകാരോഗ്യ സംഘടനയുടെ രാജ്യത്തെ ഓഫിസും ചേർന്നാണ് സിസിഎസ് (The WHO India Country Cooperation Strategy) തീരുമാനിക്കുന്നത്. ആരോഗ്യ രംഗം ശക്തിപ്പെടുത്തുന്നതിനാണ് ഇത്.

പ്രതിരോധ കുത്തിവയ്പ്പ്, ടിബി, ക്ഷയം പോലുള്ള രോഗങ്ങളുടെ നിർമാർജനം എന്നവയിൽ ലോകാരോഗ്യ സംഘടനയുടെ പങ്ക് ചെറുതല്ല. എന്നാൽ ഒരു രാജ്യത്ത് നടപ്പാക്കുന്ന ആരോഗ്യ പദ്ധതികളുടെ ചുമതല അതത് രാജ്യത്തിനായിരിക്കും. ലോകാരോഗ്യ സംഘടനയ്ക്ക് ‘സപ്പോർട്ടിംഗ് റോൾ’ മാത്രമേ ഉണ്ടാകുകയുള്ളു.

LEAVE A REPLY

Please enter your comment!
Please enter your name here

- Advertisment -

Most Popular

പന്തിനുള്ളില്‍ കഞ്ചാവ് നിറച്ച് ജയിലിനുള്ളിലേക്ക് കടത്താന്‍ ശ്രമം: കയ്യോടെ പിടികൂടി

കഞ്ചാവ് കടത്താന്‍ പുതിയ മാര്‍ഗം ആവിഷ്‌കരിച്ച പ്രതികള്‍ മഹാരാഷ്ട്രയില്‍ പിടിയിലായി. ടെന്നീസ് ബോളിനുള്ളില്‍ കഞ്ചാവ് നിറച്ച് കടത്താനായിരുന്നു പദ്ധതി. കടത്താന്‍ ഉദ്ദേശിച്ചതോ, മഹാരാഷട്ര കോലാപൂര്‍ ജയിലിനുള്ളില്‍ കിടക്കുന്ന സുഹൃത്തിന് വേണ്ടിയും. 'നമ്പന്‍' സ്‌നേഹത്തിന്...

മുൻ രാഷ്ട്രപതി പ്രണബ് കുമാർ മുഖർജി അന്തരിച്ചു

രാഷ്ട്രീയത്തിലെ മാന്യനെന്നും ജ്ഞാനിയെന്നും കര്‍മപടുവെന്നുമൊക്കെയുള്ള വിശേഷണങ്ങള്‍ ഇന്ത്യയില്‍ ഏതൊരു പേരിനൊപ്പം ചേര്‍ക്കാമോ അങ്ങനെ ഒരാള്‍ പ്രണബ് കുമാര്‍ മുഖര്‍ജിയാണ്. ഏതൊരാളെയും പോലെ രാഷ്ട്രീയ ജീവിതത്തില്‍ കയറ്റിറക്കങ്ങളുണ്ടായിട്ടുണ്ടെങ്കിലും അധികമൊന്നും അലയാതെ രാജ്യത്തെ പരമോന്നത പദവി...

ജനനം അഭയാർത്ഥി ക്യാമ്പിൽ; ആഭ്യന്തര യുദ്ധത്തിനിടെ നാടുവിട്ടു: നാടോടിക്കഥ പോലെ അൽഫോൺസോ ഡേവിസിന്റെ ജീവിതം

അൽഫോൺസോ ഡേവിസ്. ആ പേര് ഇപ്പോൾ ഫുട്ബോൾ ആരാധകർക്ക് സുപരിചിതമാണ്. ബാഴ്സലോണക്കെതിരായ ചാമ്പ്യൻസ് ലീഗ് ക്വാർട്ടർ ഫൈനലിൽ വേഗം കൊണ്ടും ശൈലി കൊണ്ടും ശ്രദ്ധ നേടിയ 19 വയസ്സുകാരൻ. പിഎസ്ജിയെ പരാജയപ്പെടുത്തി ബയേൺ...

എല്ലാത്തിനും കാരണം ജോലി ഇല്ലായ്മ: പിഎസ്ഇ റാങ്ക് ലിസ്റ്റ് റദ്ദാക്കിയതിൽ മനംനൊന്ത് ഉദ്യോഗാര്‍ഥി ആത്മഹത്യ ചെയ്തു

പിഎസ്ഇ റാങ്ക് ലിസ്റ്റ് റദ്ദാക്കിയതിൽ മനംനൊന്ത് ഉദ്യോഗാര്‍ഥി ആത്മഹത്യ ചെയ്ത. തിരുവനന്തപുരം വെള്ളറട തട്ടിട്ടമ്പലം സ്വദേശി അനു ആണ് ആത്മഹത്യ ചെയ്തത്. കഴിഞ്ഞ എക്സൈസ് പരീക്ഷയില്‍ അനുവിന് 77 ആം റാങ്ക് ലഭിച്ചിരുന്നു....