8.7 C
New York
Friday, March 5, 2021
Home World ലോക് ഡൌണ്‍ കാലത്തെ വുഹാന്‍ ജീവിതത്തെക്കുറിച്ച് ലോകത്തെ അറിയിച്ച എഴുത്തുകാരിക്ക് വധഭീഷണി

ലോക് ഡൌണ്‍ കാലത്തെ വുഹാന്‍ ജീവിതത്തെക്കുറിച്ച് ലോകത്തെ അറിയിച്ച എഴുത്തുകാരിക്ക് വധഭീഷണി

ലോക്ഡൌണ്‍ കാലത്തെ വുഹാന്‍ ജീവിതത്തെക്കുറിച്ച് ഓണ്‍ലൈന്‍ ഡയറിയിലൂടെ ലോകത്തെ അറിയിച്ച എഴുത്തുകാരിക്ക് വധഭീഷണി. വുഹാന്‍ സ്വദേശിയായ ഫാങ് ഫങ്(64)നെതിരെയാണ് സൈബര്‍ ആക്രമണവും വധഭീഷണിയും.

​2010-ൽ ചൈനയിലെ വിഖ്യാത സാഹിത്യപുരസ്​കാരം നേടിയ എഴുത്തുകാരിയാണിവർ. ഡയറിക്കുറിപ്പുകൾ ലോകത്തി​ന്‍റെ മുന്നിൽ ചൈനയുടെ മുഖം വികൃതമാക്കിയെന്നാണ്​ വിമർശകരുടെ ആരോപണം. കോവിഡ് 19ന്റെ പ്രഭവകേന്ദ്രമായിരുന്നു വുഹാന്‍. ഇവിടെ നിന്നാണ് വൈറസ് പൊട്ടിപ്പുറപ്പെട്ടതെന്ന് കരുതുന്നത്. 2019 ഡിസംബറിലാണ്​ ഇവിടെ രോഗബാധ കണ്ടെത്തിയത്​. ജനുവരി 23-ഓടെ സമ്പൂർണ ലോക്​ഡൗൺ നടപ്പാവുകയും ചെയ്​തു. ആ ദിവസങ്ങളിൽ ജീവിതത്തിലാദ്യമായി ഒറ്റപ്പെട്ടു പോയ ജനങ്ങളുടെ ഭയവും ദേഷ്യവും ആശങ്കകളുമാണ്​ ഫാങ്​ കുറിപ്പുകളാക്കിയത്​. രോഗികളാൽ തിങ്ങിനിറഞ്ഞ ആശുപത്രികളും മാസ്​കി​ന്‍റെ ലഭ്യതയില്ലായ്​മയും ഉറ്റവരില്ലാതെ അന്ത്യയാത്രയ്ക്കൊരുങ്ങിയ ബന്ധുക്കളെ കുറിച്ചും ലോകമറിഞ്ഞു. 60 കുറിപ്പുകളിലൂടെയാണ് ഫാങ് ഇക്കാര്യങ്ങള്‍ ലോകത്തെ അറിയിച്ചത്.

സോഷ്യല്‍ മീഡിയ വഴിയാണ് വധഭീഷണികള്‍ മിക്കതും ലഭിച്ചിരിക്കുന്നത്. ട്വിറ്ററിനു സമാനമായ വീബോ ആണ്​ ചൈനയിലെ ജനകീയ സമൂഹമാധ്യമം. വൂഹാനിലെ ജനങ്ങളുടെ വിവരങ്ങൾ ചോർത്തിയതു വഴി ഫാങിന്​ വൻ തുക ലഭിച്ചതായും ചിലർ ആരോപിച്ചു. സൈബര്‍ ആക്രമണത്തിനെതിരെ ഫാങ്​ വീബോക്ക്​ പരാതി നൽകിയിട്ടുണ്ട്​.

വധിക്കുമെന്ന്​ ഭീഷണിപ്പെടുത്തി വീട് അഡ്രസിൽ കത്തയച്ചവരും കുറവല്ല. യു.എസ്​ പ്രസാധകരായ ഹാർപർ കോളിൻസ്​ ഈ കുറിപ്പുകൾ വൂഹാൻ ഡയറീസ്​ എന്ന പേരിൽ അടുത്ത ജൂണിൽ പുസ്​തകമാക്കാനൊരുങ്ങുകയാണ്​. ഇതും ദേശീയവാദികളെ ചൊടിപ്പിച്ചു. ചൈനീസ്​ ഭരണകൂടത്തിന്‍റെ വിമർശക കൂടിയാണീ എഴുത്തുകാരി. വാങ്​ ഫങ്​ എന്നാണ്​ എഴുത്തുകാരിയുടെ യഥാർഥ നാമം. ഫാങ്​ ഫാങ്​ തൂലിക നാമമാണ്​.

സോഷ്യല്‍മീഡിയയില്‍ ഏറെ വിവാദങ്ങള്‍ സൃഷ്ടിച്ച ഫാങിന്റെ ഡയറിക്കുറിപ്പുകള്‍ ഇംഗ്ലീഷ്,ജര്‍മ്മന്‍ എന്നീ ഭാഷകളിലേക്ക് പരിഭാഷപ്പെടുത്താനുള്ള ശ്രമങ്ങള്‍ നടക്കുകയാണ്. ജനുവരി 25നാണ് ഫാങ് ആദ്യം തന്റെ കുറിപ്പെഴുതുന്നത്. മാര്‍ച്ച് 24ന് വുഹാനിലെ ലോക് ഡൌണ്‍ നീക്കുമെന്ന് സര്‍ക്കാര്‍ പ്രഖ്യാപിച്ചപ്പോഴാണ് ഫാങ് അവസാന കുറിപ്പ് പോസ്റ്റ് ചെയ്യുന്നത്

LEAVE A REPLY

Please enter your comment!
Please enter your name here

- Advertisment -

Most Popular

പന്തിനുള്ളില്‍ കഞ്ചാവ് നിറച്ച് ജയിലിനുള്ളിലേക്ക് കടത്താന്‍ ശ്രമം: കയ്യോടെ പിടികൂടി

കഞ്ചാവ് കടത്താന്‍ പുതിയ മാര്‍ഗം ആവിഷ്‌കരിച്ച പ്രതികള്‍ മഹാരാഷ്ട്രയില്‍ പിടിയിലായി. ടെന്നീസ് ബോളിനുള്ളില്‍ കഞ്ചാവ് നിറച്ച് കടത്താനായിരുന്നു പദ്ധതി. കടത്താന്‍ ഉദ്ദേശിച്ചതോ, മഹാരാഷട്ര കോലാപൂര്‍ ജയിലിനുള്ളില്‍ കിടക്കുന്ന സുഹൃത്തിന് വേണ്ടിയും. 'നമ്പന്‍' സ്‌നേഹത്തിന്...

മുൻ രാഷ്ട്രപതി പ്രണബ് കുമാർ മുഖർജി അന്തരിച്ചു

രാഷ്ട്രീയത്തിലെ മാന്യനെന്നും ജ്ഞാനിയെന്നും കര്‍മപടുവെന്നുമൊക്കെയുള്ള വിശേഷണങ്ങള്‍ ഇന്ത്യയില്‍ ഏതൊരു പേരിനൊപ്പം ചേര്‍ക്കാമോ അങ്ങനെ ഒരാള്‍ പ്രണബ് കുമാര്‍ മുഖര്‍ജിയാണ്. ഏതൊരാളെയും പോലെ രാഷ്ട്രീയ ജീവിതത്തില്‍ കയറ്റിറക്കങ്ങളുണ്ടായിട്ടുണ്ടെങ്കിലും അധികമൊന്നും അലയാതെ രാജ്യത്തെ പരമോന്നത പദവി...

ജനനം അഭയാർത്ഥി ക്യാമ്പിൽ; ആഭ്യന്തര യുദ്ധത്തിനിടെ നാടുവിട്ടു: നാടോടിക്കഥ പോലെ അൽഫോൺസോ ഡേവിസിന്റെ ജീവിതം

അൽഫോൺസോ ഡേവിസ്. ആ പേര് ഇപ്പോൾ ഫുട്ബോൾ ആരാധകർക്ക് സുപരിചിതമാണ്. ബാഴ്സലോണക്കെതിരായ ചാമ്പ്യൻസ് ലീഗ് ക്വാർട്ടർ ഫൈനലിൽ വേഗം കൊണ്ടും ശൈലി കൊണ്ടും ശ്രദ്ധ നേടിയ 19 വയസ്സുകാരൻ. പിഎസ്ജിയെ പരാജയപ്പെടുത്തി ബയേൺ...

എല്ലാത്തിനും കാരണം ജോലി ഇല്ലായ്മ: പിഎസ്ഇ റാങ്ക് ലിസ്റ്റ് റദ്ദാക്കിയതിൽ മനംനൊന്ത് ഉദ്യോഗാര്‍ഥി ആത്മഹത്യ ചെയ്തു

പിഎസ്ഇ റാങ്ക് ലിസ്റ്റ് റദ്ദാക്കിയതിൽ മനംനൊന്ത് ഉദ്യോഗാര്‍ഥി ആത്മഹത്യ ചെയ്ത. തിരുവനന്തപുരം വെള്ളറട തട്ടിട്ടമ്പലം സ്വദേശി അനു ആണ് ആത്മഹത്യ ചെയ്തത്. കഴിഞ്ഞ എക്സൈസ് പരീക്ഷയില്‍ അനുവിന് 77 ആം റാങ്ക് ലഭിച്ചിരുന്നു....