8.7 C
New York
Monday, March 1, 2021
Home National ബിസിസിഐ കമന്ററി പാനലിൽ നിന്ന് പുറത്താക്കിയ സംഭവം: മഞ്ജരേക്കറെ ട്രോളി ചെന്നൈ സൂപ്പർ കിംഗ്സ്

ബിസിസിഐ കമന്ററി പാനലിൽ നിന്ന് പുറത്താക്കിയ സംഭവം: മഞ്ജരേക്കറെ ട്രോളി ചെന്നൈ സൂപ്പർ കിംഗ്സ്

ബിസിസിഐ കമന്ററി പാനലിൽ പുറത്താക്കിയ സഞ്ജയ് മഞ്ജരേക്കറെ ട്രോളി ചെന്നൈ സൂപ്പർ കിംഗ്സ്. തങ്ങളുടെ ഔദ്യോഗിക ട്വിറ്റർ ഹാൻഡിലിലൂടെയാണ് ചെന്നൈ സൂപ്പർ കിംഗ്സ് മഞ്ജരേക്കറെ ട്രോളി രംഗത്തെത്തിയത്. സിഎസ്കെയുടെ ട്വീറ്റിന് കടുത്ത വിമർശനങ്ങളും ലഭിക്കുന്നുണ്ട്.

“ഇനി തട്ടിക്കൂട്ട് ഓഡിയോ കേൾക്കണ്ട” എന്നായിരുന്നു ചെന്നൈ സൂപ്പർ കിംഗിൻ്റെ ട്വീറ്റ്. എന്നാൽ ട്വീറ്റ് തിരിച്ചടിച്ചു. സിഎസ്കെ ആരാധകർ ഉൾപ്പെടെയുള്ളവർ ട്വീറ്റിനെ വിമർശിച്ച് രംഗത്തെത്തി. മുൻപ് ചെന്നൈ സൂപ്പർ കിംഗ്സ് താരം രവീന്ദ്ര ജഡേജയെ തട്ടിക്കൂട്ട് കളിക്കാരൻ എന്ന് മഞ്ജരേക്കർ വിശേഷിപ്പിച്ചിരുന്നു. ഇതിൻ്റെ അടിസ്ഥാനത്തിലാണ് സിഎസ്കെ മഞ്ജരേക്കറെ ട്രോളിയതെന്ന് ആരാധകർ പറയുന്നു. ഇത്തരം പ്രവർത്തനങ്ങൾ നല്ലതല്ലെന്നും അല്പം കൂടി പ്രൊഫഷണലായി പെരുമാറണമെന്നുമാണ് മറുപടി ട്വീറ്റുകളിൽ അധികവും പറയുന്നത്.

അതേ സമയം, മഞ്ജരേക്കറെ പുറത്താക്കാൻ എന്താണ് കാരണമെന്ന് ബിസിസിഐ വ്യക്തമാക്കിയിട്ടില്ല. ജഡേജ വിഷയത്തിൽ ഉൾപ്പെടെ മുൻ പലതവണ വിവാദത്തിൽ പെട്ടിട്ടുള്ള ആളാണ് അദ്ദേഹം. ജഡേജക്കെതിരായ പ്രസ്താവന വിവാദമായി, ജഡേജ തന്നെ അതിന് മറുപടി നൽകിയതിനു ശേഷം മഞ്ജരേക്കർ മാപ്പ് പറഞ്ഞിരുന്നു. ജഡേജ മികച്ച താരമാണെന്നും അദ്ദേഹം പറഞ്ഞിരുന്നു. അതിനു ശേഷം സഹ കമൻ്റേറ്ററും ക്രിക്കറ്റ് നിരീക്ഷകനുമായ ഹർഷ ഭോഗ്ലെയെ കമൻ്ററിക്കിടെ അവഹേളിച്ച മഞ്ജരേക്കറുടെ നടപടിയും വിവാദമായി.

ബിസിസിഐ കമൻ്ററി പാനലിൽ നിന്ന് പുറത്തായതിനെ തുടർന്ന് ഐപിഎൽ കമൻ്ററി പാനലിലും സഞ്ജയ് മഞ്ജരേക്കർ ഉണ്ടാവില്ല. കൊവിഡ് 19 വൈറസ് ബാധയെ തുടർന്ന് ഐപിഎൽ അടുത്ത മാസം 15ആം തിയതിയിലേക്ക് മാറ്റിവച്ചിരുന്നു. ഈ മാസം 29ന് ആരംഭിക്കേണ്ട ടൂർണമെൻ്റാണ് രണ്ടാഴ്ച നീട്ടിയത്.

LEAVE A REPLY

Please enter your comment!
Please enter your name here

- Advertisment -

Most Popular

പന്തിനുള്ളില്‍ കഞ്ചാവ് നിറച്ച് ജയിലിനുള്ളിലേക്ക് കടത്താന്‍ ശ്രമം: കയ്യോടെ പിടികൂടി

കഞ്ചാവ് കടത്താന്‍ പുതിയ മാര്‍ഗം ആവിഷ്‌കരിച്ച പ്രതികള്‍ മഹാരാഷ്ട്രയില്‍ പിടിയിലായി. ടെന്നീസ് ബോളിനുള്ളില്‍ കഞ്ചാവ് നിറച്ച് കടത്താനായിരുന്നു പദ്ധതി. കടത്താന്‍ ഉദ്ദേശിച്ചതോ, മഹാരാഷട്ര കോലാപൂര്‍ ജയിലിനുള്ളില്‍ കിടക്കുന്ന സുഹൃത്തിന് വേണ്ടിയും. 'നമ്പന്‍' സ്‌നേഹത്തിന്...

മുൻ രാഷ്ട്രപതി പ്രണബ് കുമാർ മുഖർജി അന്തരിച്ചു

രാഷ്ട്രീയത്തിലെ മാന്യനെന്നും ജ്ഞാനിയെന്നും കര്‍മപടുവെന്നുമൊക്കെയുള്ള വിശേഷണങ്ങള്‍ ഇന്ത്യയില്‍ ഏതൊരു പേരിനൊപ്പം ചേര്‍ക്കാമോ അങ്ങനെ ഒരാള്‍ പ്രണബ് കുമാര്‍ മുഖര്‍ജിയാണ്. ഏതൊരാളെയും പോലെ രാഷ്ട്രീയ ജീവിതത്തില്‍ കയറ്റിറക്കങ്ങളുണ്ടായിട്ടുണ്ടെങ്കിലും അധികമൊന്നും അലയാതെ രാജ്യത്തെ പരമോന്നത പദവി...

ജനനം അഭയാർത്ഥി ക്യാമ്പിൽ; ആഭ്യന്തര യുദ്ധത്തിനിടെ നാടുവിട്ടു: നാടോടിക്കഥ പോലെ അൽഫോൺസോ ഡേവിസിന്റെ ജീവിതം

അൽഫോൺസോ ഡേവിസ്. ആ പേര് ഇപ്പോൾ ഫുട്ബോൾ ആരാധകർക്ക് സുപരിചിതമാണ്. ബാഴ്സലോണക്കെതിരായ ചാമ്പ്യൻസ് ലീഗ് ക്വാർട്ടർ ഫൈനലിൽ വേഗം കൊണ്ടും ശൈലി കൊണ്ടും ശ്രദ്ധ നേടിയ 19 വയസ്സുകാരൻ. പിഎസ്ജിയെ പരാജയപ്പെടുത്തി ബയേൺ...

എല്ലാത്തിനും കാരണം ജോലി ഇല്ലായ്മ: പിഎസ്ഇ റാങ്ക് ലിസ്റ്റ് റദ്ദാക്കിയതിൽ മനംനൊന്ത് ഉദ്യോഗാര്‍ഥി ആത്മഹത്യ ചെയ്തു

പിഎസ്ഇ റാങ്ക് ലിസ്റ്റ് റദ്ദാക്കിയതിൽ മനംനൊന്ത് ഉദ്യോഗാര്‍ഥി ആത്മഹത്യ ചെയ്ത. തിരുവനന്തപുരം വെള്ളറട തട്ടിട്ടമ്പലം സ്വദേശി അനു ആണ് ആത്മഹത്യ ചെയ്തത്. കഴിഞ്ഞ എക്സൈസ് പരീക്ഷയില്‍ അനുവിന് 77 ആം റാങ്ക് ലഭിച്ചിരുന്നു....